द.स. म्हणतात, लिखाण हा माझ्या जीवनाचा अविभाज्य भाग आहे... गेली 47 वर्षे अविरत लिखाण झाले आहे - आजही चालू आहे - पूढेही असेच चालू रहाणार.

Published Books - प्रकाशित पुस्तके

 लेखक - द. स. काकडे अशोक मेंगजी, कादंबरी

 

अनु. क्र.

मुखप्रुष्ठ

पुस्तकाचे नाव      
 

001

बाजार

प्रसिध्दी 1981, बांदोडकर पब्लिशिंग हाऊस, गोवा.

मराठीत स्त्री-पुरूष, पुरूष-पुरूष,स्त्री-स्त्री - - थोडक्यात स्त्री-वेश्या, पुरीष-वेश्या, होमो, गे, गिगेलो - नैसर्गिक, अनैसर्गिक शरीर संबंधावर आधारलेली ही पहिलीच कादंबरी. वाचकांना वेगळ्याच दुनियेत ह्या कादंबरीने नेले, त्यांना गुंगवून टाकले. त्यानंतर ह्या विषयावर ब-याच कादंब-या आल्या पण बाजार कादंबरीची उंची एकाही कादबरीला नाही.

     
  002 पुनर्मिलन

प्रसिध्दी 1986, बांदोडकर पब्लिशिंग हाऊस, गोवा.

ही एक काल्पनिक सहस्यमय कादंबरी
अशोक मेंगजी - द.स.काकडे या लेखकांच्या शृंगारिक कादंब-यांमध्ये ही कादंबरी बसणार नाही. पण ते असा वेगळा विषयही हाताळू शकतात, हे लक्षात मात्र घ्यायला हवे.

     
  003 कामिनी

प्रसिध्दी 1984, बांदोडकर पब्लिशिंग हाऊस, गोवा.

कामिनी .. एक सुंदर तरूणी. झोपडपट्टीतली गरीबी पाचवीला पुजलेली पण तिच्याजवळ आहे. तिचं उत्तान, तरूण आकर्षक सुंदर शरीर .. ह्या सुंदर शरीराच्या बळावर ती क्रिडापट्टूपासून नेता, अभिनेता, जुगारी .. सर्व प्रकारच्या श्रीमंतांना भुरळ घालते.
प्रचंड खळबळजनक घटनांनी भरलेली कादंबरी .. कामिनी.

     
  004 आकांक्षा

प्रसिध्दी 1983, बांदोडकर पब्लिशिंग हाऊस, गोवा.

लो जवानी आ गयी अब खैर जवानोंकी नही
वह उठी कितनी जीसे तुम दबा सकते नही
कुसुमनं ती उर्दू शायरी वाचली न तिचं तिलाच हसू आलं. शेरशायरीतली जवान लडकी आणि आपण ह्यात फरक तरी काय?
कुसुमचं शरीरही यौवनात आलेलं. देहावर वसंत बहार फुललेला. पूर्वीच्या गो-या रंगावर केतकी रंग पसरू लागलेला. तिचे साधे नकटे नाक, चाफे कळीचा तोरा दाखवायला लागलेले. भुवयांची धनुकली नजरेचा मदनबाण मारण्यासाठी ताणलेली. कमानीखालचे नयन तर मदिरेने भरलेले. डोईवरच्या केसांची नागण पाठीमागनं पायाच्या तळपी पर्यंत गेलेली. चालायला लागले की नितंबाच्या ढोलावर नागनच्या टिपरीचे फटके ..
अंजठा वेरूळच्या लेण्यातील, कोरीव असं स्त्री शरीराचं मांसल शिल्पच आपण आहोत. यौवनाचा रसरसता लाव्हा आपल्या शरीरातनं दौडल्याचा तिला भास होत होता.
तारूण्यानं उफाळलेल्या कुसुमची ही कहाणी .. तिची आकांक्षाही तशी जबर्दस्त होती. बंगला गाडीचा ध्यास घेणा-या झोपडपट्टीतल्या ह्या पोरीची आकांक्षा तिला दुर्दैवाचे फटकारे देत होती, ते वाचा ह्या आकांक्षा कादंबरीत.

     
  005 म्रुगजळ

प्रसिध्दी 1980 प्रिया प्रकाशन, मुंबई.

बंडू खेळणेचा चेहरा कुरूप. त्याला कुणीही तरूणी पहायला तयार नव्हती. पाह्यलं तर तिच्या चेह-यावर तिरस्कार. मग त्यानं ठरवलं. आधुनिक तंत्रानं चेहराच बदलायचा. बंडू खेळणे रस्त्यानं चालला तरी डोक्यात ऑपरेशनचाच विचार. चेहरा बदलणारा डॉक्टर भेटला तर? त्याची फी कशी द्यायची.

योगायोगाने डॉक्टर जमकरांना बंडू खेळणे भेटला. फॉरिनवरनं ते स्क्रीन स्पेशालिस्टचं शिक्षण घेऊन आलेले डॉक्टर. त्यांनी प्लॅस्टिक सर्जरीनं अनेकांना नवा चेहरा दिला होता. पण तो परदेशात. त्यांना परदेशापेक्षा स्वदेशात नाव कमवायच होतं. त्यांच्या हाती बंडू खेळणे, एका अपघातात तो सापडलेला होता. त्याचा थोबडा पार फाटला होता. सिव्हील हॉस्पिटलमध्ये डॉक्टर जमकरांनी पाहिला. सरकारी हॉस्पिटलात बंडू खेळणे मरणार होता तर डॉक्टर जमकरांनी त्याला आपल्या हॉस्पिटलमध्ये नेला.

"डॉक्टर, तुम्ही माझा चेहरा पार मुळापासून बदलून टाकणार का प्लॅस्टीक सर्जरीनं?"
"तुमचा अपघात हा माझ्या दृष्टीनं चांगलाच .."
"खरं? माझा चेहरा तुम्हाला प्रयोगासाठी बिनशर्त मिळाला म्हणा की .."
"होय, मी तुमच्याकडून फी घेणार नाही .. तुमच्या कुरूप अणि देखण्या चेह-याची जाहीरात केली की माझं नाव होणार .. माझ्या हॉस्पिटलला मग प्लॅस्टीक सर्जरीच्या ऑपरेशनसाठी गर्दी होणार .."

बंडू खेळणे पार बंडू देखणे झाला. त्यानं आपलं नावच बदललं. तो देखणा तरूण म्हणून हॉस्पिटलबाहेर आला. तरूणी सुध्दा त्याला पाहून आकर्षित झाल्या. मग तो मनोहर काश्यप म्हणून बाहेर वावरायला लागला. तो कारनामे करायला लागला. तरूणींना प्रेमाचं नाट्य करून खेळायला लागला. अनेक जणींशी तो खेळला. तो इतका खेळला की त्यालाच ह्या इष्कबाजीचा कंटाळा आला. त्याचा पिच्छा तरूणी सोडीनात. आपण पुर्वीचे कुरूप होतो तेच बरे असे त्याला वाटले.

पुन्हा तो अपघातात सापडल्यावर त्याला नेमके डॉक्टर जमकरांच्या हॉस्पिटलात नेले गेले. डॉक्टर जमकर स्क्रीन स्पेशालिस्ट म्हणून नावारूपाला आले होते. त्यांनी बंडू खेळणेला ओळखले .. डॉक्टरांनी त्याला थोपटले. बोलले, "बंडू खेळणे, तुम्हाला मी आता आहे ह्या चेह-यापेक्षाही देखणा चेहरा देतो."

"डॉक्टर, मी पूर्वी होतो तसाच बरा .. मला माझा पूर्वीचा कुरूप चेहरा हवा. म्हणजे मी देखण्या तरूणींना फसवणार नाही, त्या माझ्या मागे लागणार नाहीत .."
बंडू खेळणेची अफलातून कहाणी.

     
  006 अभिनेत्री

प्रसिध्दी 1980 प्रिया प्रकाशन, मुंबई

अशोक मेंगजी हे श्रीमंत व्यक्तिमत्व. फिल्म इंडस्ट्री, महालक्ष्मी रेस कोर्स, फाईव्ह स्टार हॉटेल्स सर्व प्रकारच्या श्रीमंती जिंदगीचा अनुभव त्यांच्या गाठीशी. तर द.स.काकडे हे शैलीदार लेखक. म्हणजे एका लेखकाचे जबरदस्त अनुभव तर दुस-या लेखकाची शैलीदार लेखणी - असा हा रंगीन मिलाप आहे.

अभिनेत्री ही कादंबरी एका अभिनेत्रीची आहे.

अभिनेत्री होण्यासाठी कितीतरी तरूणी स्वत:ला बेभानपणे फिल्म इंडस्ट्रीत झोकून देतात. पण त्यातल्या खरोखर कितीजणी अभिनेत्री होतात? त्यातल्या कितीतरी जणी फिल्मइंडस्ट्रीतल्या वासनेनं वखवखलेल्या लांडग्यांच्या तावडीत सापडतात. बर्बाद होतात. त्यातली एखादीच असंख्य टक्के टोणके खावून अभिनेत्री बनते. पण तीने दिलेले किती जबरदस्त असते - त्यासाठी वाचा. अभिनेत्री कादंबरी.

     
  007 अत्रुप्ता

प्रसिध्दी 1980 प्रिया प्रकाशन, मुंबई.

अतृप्ता ही तृप्त करणारी कादंबरी, असं अनेक वाचकांनी लेखकांना पत्र पाठवून कळवलं. त्याकाळात मोबाईल नव्हते, फोन सर्वांकडे नव्हते. 1980 चा तो काळ. टीव्ही ही घरोघरी आलेला नव्हता. कादंब-यांना त्यामुळे वाचक खूप. मनोरंजनाचे तेच एक चांगले साधन होते.

हिंदी फिल्मइंडस्ट्रीतील मिनाकुमारी ह्या अभिनेत्रीला जे दु:खाचे आयुष्य लाभले त्याच दु:खाची छाया ह्या कादंबरीतील वर्णन केलेल्या नायिकेवर पडलेली असावी असे वाटते. रस्त्यावरून चालणा-या लोखंडी ट्रामचा तो जमाना. अभिनेत्रीचे बालपण ह्या ट्रामच्या प्रवासातून होते त्याचे वर्णन वाचकांना मागच्या काळात घेऊन जाते.

अभिनेत्रीचा पैशांसाठी हावरा बनलेला बाप, पैशांसाठी मुलीने काहीही, कोणतीही भूमिका करावी, ह्या मंताचा असल्याने तो अभिनेत्रीला बालपणापासून दु:खात लोटत राहतो. कविमनाची अभिनेत्री जिंदगीभर मूकरूदन करते. तिच्या जिंदगीत अलेला प्रत्येक अभिनेता तिला मोहजालात गुंतवतो. तिचं शरीर, तिचा पैसा सांर लुटत राहतो. परिणामी अभिनेत्री व्यसनात, दारूत बुडली जाते. तिला मग स्वत:ला सावरता येत नाही........ अशी ही अतृप्त असलेल्या अभीनेत्रीची कहाणी.

     
  008 मायादेवी

प्रसिध्दी 1980 प्रिया प्रकाशन, मुंबई.

काही मोठमोठ्या नट्या सारी उमेद अनेक श्रीमंत पुरूष, प्रोड्युसर, अॅक्टर यांच्या मिठीत घालून शेवटी जवळ कोणी येईनासे झाले की शेवटी शादी करतात. आपल्यालाही आता असा एखादा वय उताराला लागलेला पुरूष पाहायला हवा, असं फिल्मी पत्रकार असलेल्या मायादेवीला वाटले.

आपण आपलं मागचं बर्बाद आयुष्य विसरून जाऊ. आर्थिक बाब आता गौण होती. तिनं विवाहमंडळाशी संपर्क साधला. शंभरेक फोटो तिच्यापुढं ठेवण्यात आले. त्यातला तिनं एक निवडला. तिच्यापेक्षा श्रीमंतच होता. दिसायलाही चांगला. त्याला तिनं बंगल्यावर बोलावले. तिला पाहताच तिच्या सौंदर्यानं तो लगेच प्रेमात पडला. लग्नाला लगेच तयार झाला.

लग्न धुमधडाक्यात साजरं झालं. लग्नाला सारी फिल्मइंडस्ट्री हजर होती. त्याशिवाय तिच्या आयुष्यात येऊन गेलेल्या कितीतरी श्रीमंत पुरूषांनी तिच्यावर अहेरांचा बर्षाव केला. फिल्मी पत्रकारांनी डोळे मिचकावून तिच्या नव-याला तिच्याविषयी सावध राहाण्याचा सल्ला दिला.

मिलनाच्या पहिल्याच रात्री तिचा नवरा तिला स्पर्श करू लागला तर तिने त्याला छत्तिसचा आकडा करून झोपायला सांगितले. तिने असे कितीतरी मधूचंद्र साजरे केले होते. आता तिला त्यात गंमत उरलेली नव्हती.

"स्वीटी डार्लिंग" रात्रभर तळमळत पडलेल्या तिच्या नव-याने पहाटेला तिच्या अंगावर हात टाकत तिला गोड आवाज दिला.
"बोल .."
"मी तुष्यासाठी जीव देईन .. पण .."
"ऊऽऽ असं ह्या गोडक्षणी वाईट बोलायचं नाही .. प्रत्येक रात्र ही अशीच झोपून काढायची .. अंगाला स्पर्श करायचा नाही."
"ठिक आहे - तू सांगशील तसं .. फक्त एक कर .."
"काय?"
"तुझी फिल्मी पत्रकारी चालू ठेव .. खूप पैसा मिळतो ना तुला .. तो हवाय मला .."

ते ऐकलं न तिच्या काळजाला कडकडून इंगळी डसली. ह्याच्या सुखासाठी नोकरी करायची. "पिक्चर समाचार" साठी धावाधाव करायची. पुन्हा फिल्म इंडस्ट्रीतल्या फिल्म पार्टीत ब्रॅंडी, व्हिस्की, बियर .. जे मिळेल ते ढासायचं. त्या नशेतून बड्या अॅक्टर, अॅक्ट्रेसकडून गॉसिप कॉलमचं मटेरियल गोळा करायचं .. हे नको म्हणून लग्न केलं तर हा हरामी नवरा ...
"चालता हो ह्या माझ्या बंगल्याच्या बेडरूममधून" ती कडाडली.
"का?"
"तू तुझ्या बंगल्यात जा.."
"तुझा नवरा ना मी?"
"तुझी लायकी नाही माझ्याशी माधुचंद्र साजरी करायची"
तो तिच्याकडे पाहतच राहिला.
"हॅलो, देवेन .." तिनं फोन लावला.
"बोल, माया .. माय माया.. आता काय तू हनीमून नाईटमध्ये .."
"देवेन, तूच गाडी घेऊन ये .."
"व्हॉट?"
"तुझ्याशिवाय हनीमुनची मजा नाय .. आपण लोणावळ्याला जाऊ "
मायादेवीचं ते बोलणं तिच्या नव-यानं ऐकलं व तो छातीवर हात ठेवून खालीच बसला. हार्ट अॅटॅक आल्यानं त्याने डोळे फिरवले.